| Karibu katika makao ya ndugu Mwangi wa Mūtahi | ||||||||||||||||||||||||
| Nī niī nyandīkīīte Ngoima, ibuku rīa rūgano. | ||||||||||||||||||||||||
|
|
Thooma maandīko mangī maakwa thīinī wa njaranda īrīa īītagwo Mūtiiri. | |||||||||||||||||||||||
| Thoome wa Gīcandī | ||||||||||||||||||||||||
|
|
Maitū Afrika Maitū Afrika Iria rīa wendo Rūūī rwa ūtaana Mūtitū wa ūūmīrīru Njamba ya ūgitīri Nyina wa rūūrīrī! Maitū Afrika Waneyūmīrīria nyamaaro Gūtahīrwo ūkombo Njiarwa mūngīrīrī Ngenge itiganīirio Ikīrīrīra iria Wororo wa nyondo Gūthuuthīrwo kwega Maitū Afrika Ndwananogio nī ūreri Iria! Wendo! Ūthuuthīri! Kūhethūke ingī nyingī Ihonie marema ngoro-inī Ngombo iriūke! Maitū Afrika Ūhootani warī mūnene Rīingīrīro rīa meeri O na rūgendo-inī Ndwatumbūkire ngoro! Kūrugīra mūthūngū Kūmūthambia mai maake Ciagūtigire ūrūngiī! Maitū Afrika Ndwanatiganīria njiarwa Ikīīgariūra ūkombo-inī Wacirūmirie hinya Ūgīcikundia ūūmīrīru Riūa rīgīkaaratha! Maitū Afrika Thū ciagūcookerera Ūkooroni! Ūthūkūmū! Warūūgamirie ūcamba Cingīrīro ciothe Maitū Afrika Kūnyuuo thakame Gūita thithino Itiakūnyuire muoyo Ciagwīkīrire hinya Kūhūūrana na thū Maitū Afrika Njiarwa inyiitanīire Kuuma Afrika Amerika yothe Ūkombo: tumbutumbu Ūkooroni: tumbutumbu Ūhootani mūnene Ūhootani mūtheru Wa mūndū mūirū! Nī tūkūngūīre ūhootani Njamba nī nyingī: Marcus Garvey, Mūthoni Nyanjirū Kīmaathi wa Waciūri, Patrice Lumumba Rosa Parks, Martin Luther King, Jr. Malcom X, Steve Biko JM Kariūki, Karīmi wa Nduthu Ken Saro-Wiwa, Nelson Mandela Tuongerereke hinya Tūtoorie moothe Ūkombo wa kīīrīu Ūkooroni wa kīīrīu Tūnyiitanīire hamwe Tūtheremie wendani Tūtheremie ūūrūmwe Mūndū mūirū agaacīre! Ūhootani wake ūgaacīre! Maitū Afrika! Maitū Afrika! Maitū Afrika! | |||||||||||||||||||||||
| Thoome wa Ng'ano Nguhī | ||||||||||||||||||||||||
|
|
|
Favourite links
|
|
| ||||||||||||||||||||
|
This page has been visited
|